Ýyladyşhananyň häzirki önümçilik kuwwatlylygy ýylda 60 000 000 kilogram pomidor hasylyna barabardyr. Agronomlar we inženerler ýyladyşhanada salkym pomidorlary, gül-güne göwrümli pomidorlary we çerri görnüşine degişli alça pomidorlary öndürmegiň üstünde işleýärler.

Häzirki wagtda “Yigit” HJ 1,940,000 m² meýdanda ýerleşýän ýyladyşhanalar toplumynda Ýewropanyň iň öňdebarjy kompaniýalary tarapyndan öndürilen döwrebap enjamlaryndan peýdalanylýar.

Tebigy gazda we ýangyçda işleýän Ýewropa kompaniýalarynyň enjamlary ýyladyşhananyň ýyladyş merkezinde oturdyldy. Ýyladyş merkezinde tebigy gazyň ýanmagy wagtynda emele gelen uglerod dioksidi, fotosintez prosesinde gün şöhlesi bilen birlikde gaýtadan işlemek we dezinfeksiýa etmek arkaly ulanylýar.

Bu ýyladyş enjamlary, ýyladyşhananyň içinde 20°C , 25°C dereje saklamaga ukyplydyr. Ýyladyşhananyň daşynda howanyň derejesi 0°C den -17°C çenli pese düşen ýagdaýynda hem içerki temperaturanyň durnukly saklanmagyna mümkinçilik berýär.

Ýyladyşhanany zerur suw bilen üpjün etmek, Garagum derýasyndan gelýän suwlar, suw çökündiler üçin we esasy hapalanmakdan arassalamak üçin birinji we ikinji howdanlardan geçenden soň, ýyladyşhanada göwrümi 234 tonna bolan suw çeleklerde ýygnalýar. Suw howdanyndaky suw, gum, uglerod we membrana süzgüçlerinden geçenden soň, zerur minerallar bilen doldurylýar we ösümliklere berilýär. Suw üpjünçiligi ulgamynyň elektron enjamlary arkaly işjeňleşdirilmegi tebigy baýlyklaryň tygşytly peýdalanylmagyna kömek edýär. Şeýle hem ýyladyşhananyň sowadylmagy ýylylyk, çyglylyk, kömürdurşy gazy we yşyklandyryş üçin niýetlenilen akylly enjamlar arkaly awtomatik ýagdaýda dolandyrylýar.

1,940,000 m² meýdanda ýerleşýän, ýyladyş we sowadyş ulgamlar bilen bilen enjamlaşdyrylan ýyladyşhana önümçilik kuwwatlylygyny ýokarlandyrmaga we ýylyň 12 aýynyň dowamynda önümçiligi üpjün etmäge mümkinçilik berýän ösen enjamlar bilen enjamlaşdyrylandyr. Howa sowadyjylaryň kömegi bilen ýyladyşhananyň içindäki temperatura, daşarda 45°C bolsa-da, zerur 25°C saklanyp bilner.